साम संवाददाता, भीरकोट
४ माघ २०७८

शिक्षक तथा विद्यार्थीहरूमा कोरोना संक्रमण देखिएपछि
बालमैत्री भीरकोट नगरपालिका भित्रका संस्थागत तथा सामुदायिक दुबै विद्यालयहरू भोलिदेखि बन्द हुने भएका छ्न्।
नगर प्रशासनले आज एक सार्वजनिक सुचना जारी गर्दै माघ ५ गतेदेखि १५ गतेसम्म शैक्षिक संस्थाहरू बन्द गर्न निर्देशन दिएको छ।शिक्षा मन्त्रालयले गत पुस २६ गते जारी गरेको विज्ञप्ति र जिल्ला कोभिड व्यवस्थापन समितिको पुस २७ गतेको निर्णय बमोजिम नगर क्षेत्र भित्रका शैक्षिक संस्था बन्द गरिएको नगर प्रशासनले जनाएको छ।विद्यालय बन्द भएको अवधिमा १२ देखि १७ वर्ष उमेर समुहका बालबालिकाहरूलाई कोरोना विरूद्धको खोप लगाइने प्रमुख प्रशासकीय अधिकृत खुमलाल भुसालले जानकारी दिनुभयो।भौतिक रूपमा पठनपाठन बन्द भए पनि सिकाइ सहजीकरण निर्देशिका -२०७७ बमोजिम शिक्षण सिकाइ क्रियाकलाप जारी राख्न विद्यालयहरूलाई निर्देशन दिइएको छ।