साम संवाददाता, पोखरा
२३ पुस २०७८

दर्पण सहकारी संस्था लिमिटेड पोखराको नवौं वार्षिक साधारण सभा सप्पन्न भएको छ।राष्ट्रिय सहकारी बैंक ताल्चोक शाखा प्रमुख सन्तोष घिमिरेको प्रमुख आतिथ्यता र संस्थाका अध्यक्ष दुर्गा काफ्लेको सभापतित्वमा सम्पन्न भएको कार्यक्रममा उत्कृष्ट बचतकर्ता, सेवाग्राही, शेयरधनी,बजार कर्मचारी र कर्मचारीलाई पुरस्कार सहित सम्मान गरिएको थियो।

उत्कृष्ट बचत कर्ताको पुरस्कार सुजन भुर्तेललाई, उत्कृष्ट सेबाग्राहीको पुरस्कार शुकुमाया गुरुङलाई,उत्कृष्ट शेयर धनीको पुरस्कार बुद्ध पुनलाई , उत्कृष्ट बजार कर्मचारीको पुरस्कार शोभियत लम्साललाई र उत्कृष्ट कर्मचारीको पुरस्कार बिबेक कार्कीलाई प्रदान गरिएको थियो। साधारण सभामा आफ्नो मन्तव्य राख्दै प्रमुख अतिथी घिमिरेले सहकारीहरूबिच सहकार्य र स्वस्थ प्रतिस्पर्धा आवश्यक रहेको कुरामा जोड दिंदै दर्पण लगायत सबै सहकारीको बिकासमा आफूले सक्दो योगदान गर्ने बताउनुभएको थियो।त्रिशक्ति पार्टी प्यालेसमा सम्पन्न भएको कार्यक्रमको संचालन संस्थाका सचिब शेखर कोइरालाले गर्नुभएको थियो।