साम संवाददाता, स्याङ्जा
९ माघ २०७८
जिल्ला प्रशासन कार्यालय स्याङ्जाले भोलि माघ १० गते सोमबारदेखि लागू हुने गरि प्रशासनिक सेवा स्थगित गरेको छ। जिल्ला प्रशासन कार्यालयमा कार्यरत कर्मचारीहरूमा  कोरोना संक्रमण पुष्टि भएपछि सेवा प्रभावित भएको हो। केही कर्मचारीहरूमा कोरोनाको मिल्दोजुल्दो लक्षण देखा परेको र केहिको रिपोर्ट आउन बाँकी रहेको जनाउँदै भोलि देखि अर्को सूचना जारी नभए सम्मका लागि जिल्ला प्रशासन कार्यालयबाट हुने शान्ति सुरक्षा बाहेकका  नागरिकता, राष्ट्रिय परिचयपत्र, राहदानी, हातहतियार नवीकरण जस्ता कार्यहरु स्थगित हुने जनाइएको छ।