साम संवाददाता, स्याङ्जा
७ माघ २०७८

नेपाल रेडक्रस सोसाईटी स्याङ्जाको सभापतिमा दिनेश अर्याल चयन हुनुभएको छ। जिल्ला शाखाको ३७ औँ साधारण सभा तथा अधिवेसनले अर्यालको सभापतित्वमा नयाँ कार्यसमिति सहमतिका आधारमा चयन गरेको हो । समितिको उपसभापतिमा लक्ष्मी थापा र लक्ष्मण भट्टराई, मन्त्रीमा रामचन्द्र अर्याल, कोषाध्यक्षमा महेश बहादुर थापा गणेश, उपमन्त्रीमा खगेन्द्र प्रसाद अर्याल र उपकोषाध्यक्षमा अर्जुन पौडेल रहेका छन् ।

त्यस्तै महिला सदस्यमा दुर्गा सारु, विष्णु सुवेदी र श्यामादेवि शर्मा रहेका छन् भने अन्य सदस्यहरुमा भुवनेश्वर रिमाल, चुडामणी रेग्मी, इश्वरबन्धु कोईराला, विष्णुप्रताप खँण, विशेश्वर गिरी, पुष्पराज बराल, मनोरथ शर्मा रहेको निर्वाचन अधिकारी समेत रहनु भएका नेपाल रेडक्रस तनहुँका सभापति कृष्णहरि वाग्लेले जानकारी दिनुभयो । कोभिडका कारण सृजित अवस्थालाई मध्यनजर गर्दै कार्यक्रममा थोरै संख्यामा उपस्थित भई नयाँ कार्यसमिति निर्वाचित गरिएको उहाँले बताउनु भयो ।