साम संवाददाता, वालिङ
७ माघ २०७८

स्याङ्जाको वालिङमा रोटरी  क्लव अफ वालिङको पहलमा संचालनमा आएको सुविधा सम्पन्न वालिङ सामुदायिक डायलाइसिस सेन्टरबाट मृगौला पीडित बिरामीलाई प्रदान गरिने सम्पूर्ण सेवाहरू निशुल्क र गुणस्तरीय बनाउने प्रयास भैरहेको रोटरी क्लव अफ वालिङका पुर्व अध्यक्ष राजेन्द्र डुम्रेले बताउनुभयो।अहिले एक सिफ्टमा ८ जना बिरामीहरूले सेवा लिइरहेका छ्न् ।अहिलेसम्म करिब २० जना बिरामीहरूले सेवा लिइसकेका छ्न्।डायलाइसिस सेवा निशुल्क भए पनि औषधिको लागि भने शुल्क तिर्नुपर्ने रोटरी क्लव अफ वालिङका पुर्व अध्यक्ष डुम्रेले बताउनुभयो।सकेसम्म सबै सेवा गुणस्तरीय र निशुल्क बनाउने प्रयास भैरहेको बताउँदै डुम्रेले स्वास्थ्य बीमाको सुबिधाका लागि पहल गरिरहेको बताउनुभयो। रोटरी क्लब अफ वालिङको प्रस्तावमा रोटेरी इन्टरनेसनल र गौतमबुद्ध सामुदायिक मुटु अस्पतालको संयुक्त लगानीमा करिब ७ करोड खर्च गरेर संचालनमा ल्याइएको वालिङ सामुदायीक डायलाइसिस सेन्टरमा दैनिक १६ जनाको उपचार गर्ने क्षमता रहेको छ । वालिङ नगरपालिको वडा नम्वर १० भकुण्डेमा सञ्चालनमा ल्याइएको डायलाइसिस सेन्टर संचालन गर्न रोटरी क्लव अफ वालिङ पहलमा रोटरी फाउन्डेसनले साढे ५ करोड लगानी गरेको छ।लगानी जुटाउन र सेवालाई गुणस्तरीय र प्रभावकारी बनाउन रोटरी क्लब अफ वालिङले भरपुर सहयोग गरिरहेको भएपनि सम्पूर्ण सेवा संचालन एवं  व्यवस्थापकिय जिम्मेवारी भने गौतमबुद्ध सामुदायिक मुटु अस्पतालले समालिरहेको छ।

वालिङ नगरपालिकाले उपलब्ध गराएको भवनलाई मर्मत गरेर डायलाइसिस सेन्टर संचालनमा ल्याइएको रोटरी क्लव अफ वालिङका पुर्व अध्यक्ष राजेन्द्र डुम्रेले बताउनुभयो।डायलाइसिस सेवा संचालनमा आएपछि मृगौला पिडित रोगीहरु डायलाइसिस गर्न पोखरा,पाल्पा, बुटबल जानुपर्ने बाध्यताको अन्त्य भएको छ। डायलाइसिस सेन्टरमा हरेक महिना ५०० जनाको फ्री किड्नी परीक्षण एक वर्ष सम्म गरिने बताइएको छ।सरकार ले सामुदायिक हस्पिटलहरुलाई स्वास्थ बीमामा सहज पहुँच नदिएको कारण बिरामी लाई समस्या परेको छ । निजी हस्पिटललाई पहुंच को भरमा सजिलै बीमामा समावेश गर्ने तर सामुदायिक अस्पताललाई फरक नजरले हेर्ने विभेदकारी अवस्थाले बिरामी गरिब तथा असाहय बिरामीहरू सहज उपचारबाट वञ्चित हुनु परेको डुम्रेले दुखेसो गर्नुभयो।