स्मार्ट वालिङ संवाददाता                                               हरिनास,२ पुस २०७८

युवा मुक्तककार मिलन समीरको दोस्रो एकल मुक्तक वाचन सम्पन्न भएको छ ।स्याङ्जाली साहित्यको इतिहासमै सर्वप्रथम “स्कुले विद्यार्थीहरुसङ्ग साहित्यकार” कार्यक्रमको पहिलो शृङ्खलाको रूपमा पीताम्बर माध्यमिक विद्यालय , हरिनास – ६ , क्याक्मी , दग्दी , स्याङ्जाको आयोजनामा विद्यालयको सभाहलमा सम्पन्न गरिएको कार्यक्रमको सभापति विद्यालयका निमित्त प्रधानाध्यापक  राममाया रानाज्यु रहनुभएको थियोे ।
प्रमुख आमन्त्रित व्यक्तित्वको रूपमा स्याङ्जाली युवाकवि  शम्भु अर्यालज्यु रहनुभएको उक्त कार्यक्रममा युवा साहित्यकार मिलन समीरले चार चरणमा आफ्ना विभिन्न विषय सन्दर्भसङ्ग सम्बन्धित रहेर लेखिएका उत्कृष्ट मुक्तक रचनाहरु सुनाउनुभएको थियोे ।
कार्यक्रममा स्वागत मन्तव्य विद्यालयका शिक्षक तथा स्याङ्जाली युवा साहित्यकार  पराजित रेशम गोतामेज्युले प्रस्तुत गर्नुभएको थियोे । विद्यालयका शिक्षकद्वय पवनकुमार चौरसियाज्यु र चित्रबहादुर थापाले शुभकामना  मन्तव्य प्रस्तुत गर्नुभएको उक्त कार्यक्रममा आशा मानन्धर , मुक्तबहादुर राना , रमेश भट्टराई , हीरा मानन्धर , सुदीप वि.क. , अनु राना , मोहनीलाल काफ्ले राजेन्द्र , भूमि राना , पराजित रेशम गोतामे , शम्भु अर्याल र राममाया राना लगायतले गजल , कविता , मुक्तक र गीति रचनाहरु प्रस्तुत गर्नुभएको थियोे भने पुजा मानन्धर ,मनिषा थापा र सिर्जना राना लगायतले नृत्य प्रस्तुत गर्नुभएको थियोे ।
कार्यक्रममा मिलन समीरद्वारा पीताम्बर माध्यमिक विद्यालयमा रहेको पुस्तकालयका लागि १३ हजार रुपैयाँ बराबरका विभिन्न साहित्यिक पुस्तक तथा पत्रिकाहरु प्रदान गरिएको थियोे ।
स्मरणीय रहेको छ कि , स्याङ्जाली युवा मुक्तककार मिलन समीरको पहिलो एकल मुक्तक वाचन सम्पूर्ण किताब , बालकुमारी कलेजरोड , नारायणगढको आयोजनामा २० कार्तिक २०७५ मा भएको थियोे ।