साम संवाददाता , स्याङ्जा /२६पुस २०७८
स्याङ्जा जिल्लाका ६ पालिकामा भोलि सार्वजनिक विदा हुने भएको छ।विश्व हिन्दु युवा संघको माग सम्बोधन गर्दै ३०० औं पृथ्वी जयन्ती तथा राष्ट्रिय एकता दिवसको अवसरमा स्याङ्जाका जिल्लाका ६ वटा स्थानीय तहले सार्वजनिक बिदा दिएका हुन्।
हिजो र आज छुट्टाछुट्टै सूचना जारी गर्दै ३ वटा नगरपालिका र ३ वटा गाउँपालिका गरि ६ वटा पालिकाले सार्वजनिक बिदाको दिएका छ्न्। यसरी बिदा दिनेमा वालिङ नगरपालिका, चापाकोट नगरपालिका, भीरकोट नगरपालिका, कालीगण्डकी गाउँपालिका, अर्जुनचौपारी गाउँपालिका र आँधिखोला गाउँपालिका रहेका छन् ।
सार्वजनिक बिदा दिन माग गर्दै विश्व हिन्दु युवा संघ स्याङ्जाका अध्यक्ष नवराज पौडेल सहितको टोलीले ११ वटै पालिका र इलाका प्रशासन कार्यालय वालिङ्मा ज्ञापन पत्र बुझाएको थियो। ज्ञापन पत्रमा  राष्टनिर्माता पृथ्वीनारायण शाहको योगदानको कदर गर्दै विविध कार्यक्रम गरी राष्ट्रिय एकता दिवस मनाउन र सार्वजनिक विदा दिन आग्रह गरिएको थियो।सार्वजनिक विदा दिने पालिकालाई धन्यवाद दिँदै संघले पनि विविध कार्यक्रम गरि राष्ट्रिय एकता दिवस तथा पृथ्वी जयन्ती मनाउने अध्यक्ष पौडेलले बताउनुभयो।