साम संवाददाता, वालिङ

२३ पुस २०७८

वालिङ नगरपालिकाले पृथ्वी जयन्ती एवं राष्ट्रिय एकता दिवसको अवसरमा सार्वजनिक बिदा दिने भएको छ। विश्व हिन्दु युवा संघ स्याङ्जाले आज वालिङ नगरपालिकामा पृथ्वी जयन्ती एबम् राष्ट्रिय एकता दिवसको अवसरमा सार्वजानिक बिदा दिन माग गर्दै बुझाएको ज्ञापन पत्र बुझ्दै नगर प्रमुख दिलिप प्रताप खाँणले पौष २७ गते पालिकामा सार्बजनिक विदा दिइने बताउनुभएको हो।ज्ञापन पत्र बुझ्दै वालिङ नगरपालिका मेयर खाँणले राष्ट्रियता सबैभन्दा माथि भएको र देशभक्त नेपालीले पृथ्वीनारायण शाहलाई बिर्सन नहुने कुरा व्यक्त गर्नु भएको थियो।उहाँले विश्व हिन्दू युवा संघ स्याङ्जालाई सधैं सकारात्मक सोच लिएर अगाडि बढ्न समेत सुझाव दिनु भयो। ज्ञापन पत्र बुझाउन जिल्ला अध्यक्ष नबराज पौडेल, केन्द्रिय सदस्य डण्ड पानी पंगेनी, समाजसेवी राजु रेग्मी जानु भएको थियो।