स्याङ्जा, पौष ३। सूर्योदय बचत तथा ऋण सहकारी संस्था लिमिटेडको बिसौं वार्षिक साधारण सभा तथा सातौं अधिवेशनको शनिबार सम्पन्न भएको छ । संस्थाको केन्द्रीय कार्यालय स्याङ्जा पुतलीबजार ३ बाडखोलामा र अन्य सेवा केन्द्रहरुमा समेत साधारण सभा तथा अधिवेशन एकैसाथ सम्पन्न भएको कार्यालयले जनाएको छ ।

बाडखोलाको शिशु निकेतन विद्यालयमा आयोजित कार्यक्रममा प्रमुख अतिथि संस्थापक विद्याकुमारी श्रेष्ठले सूर्योदय सहकारी छिटै प्रगतिपथमा अगाडि बढेको देख्दा आफू निकै खुसी भएको बताउनभुयो । संस्थाका अध्यक्ष हुमबहादुर कुमालले सूर्योदय सहकारीले आगामी दिनमा उत्पादमूलक क्षेत्रमा लगानी बढाउँदै सामाजिक उत्तरदायित्वका सेवा क्षेत्रहरुको विस्तार गरिने बताउनभुयो । कार्यक्रममा पुरुषोतम शर्मा, भरतबहादुर मल्ल, गोविन्दप्रसाद शर्मा, रविन्द्रप्रसाद श्रेष्ठ, अनन्तकुमार श्रेष्ठ लगायतले मन्तव्य व्यक्त गर्नुभएको थियो ।

सो कार्यक्रममा एसईई, प्रविणता प्रमाणपत्र तह, स्नातक गर्ने सेयर सदस्यका सन्ततिहरुलाई सम्मान गरिएको थियो । त्यस्तै सबैभन्दा धेरै बचत गर्ने सेयर सदस्यहरुलाई पनि सम्मान गरिएको थियो भने कार्यक्रममा उत्कृष्ट कर्मचारीतर्फ जुग्ले शाखाकी कनिष्ठ सहायक सङ्गीता लामिछानेलाई र उत्कृष्ट सेवा केन्द्रतर्फ जुग्ले शाखालाई सम्मान गरिएको थियो । त्यस्तै उत्कृष्ट जिम्मेवारी वहन गरेवापत संस्थाका उपाध्यक्ष बलराम दोरङ्गा र सचिव नारायण रेग्मीलाई पनि सम्मान गरिएको थियो ।

कार्यक्रममा अध्यक्षको प्रतिवेदन, लेखाको प्रतिवेदन लगायत विभिन्न समितिका प्रतिवेदनहरु प्रस्तुत गरिएका थिए । सो कार्यक्रमको अध्यक्षता संस्थाका अध्यक्ष हुमबहादुर कुमालले गर्नुभएको थियो भने सञ्चालन संस्थाका सचिव नारायण रेग्मीले गर्नुभएको थियो ।