स्मार्ट वालिङ संवाददाता

आगामी स्थानीय चुनावलाई लक्षित गर्दै निर्वाचन आयोगले संचालन गरेको मतदाता नामावली संकलन कार्यक्रम अर्जुनचौपारी गाउँपालिकामा यहि मङ्सिर २८ गतेदेखी पौष ८ गतेसम्म संचालन हुँने भएको छ। १६ वर्ष उमेर पुगेर नेपाली नागरिकताको प्रमाणपत्र लिएका तर मतदाता नामावलीमा नाम दर्ता गर्न छुटेका सबैलाई तोकिएको समयतालिकामा गाउँपालिकाको केन्द्रमा उपस्थित भइ नाम दर्ता गर्न पालिकाले आग्रह गरेको छ।

नागरिकताको १ प्रती सक्कल प्रमाणपत्र र १ प्रती फोटोकपी सहित व्यक्ती स्वयं उपस्थित भएर मतदाता नामावलीमा नाम दर्ता गर्न सकिन्छ।नागरिकताको स्थायी ठेगाना भन्दा फरक स्थानमा नाम दर्ता गर्नुपर्ने भएमा बसाइँसराइको प्रमाणपत्रको प्रतिलिपी वा विवाह दर्ताको प्रमाणपत्रको प्रतिलिपी सहित उपस्थित हुनुपर्ने  निमित्त प्रशासकीय अधिकृत दिपक थापा क्षेत्रीले जानकारी दिनुभयो।गाउँपालिकाले तयार गरेको समयतालिका अनुसार २८ गते वडा नं १ र  २९ गते वडा २ को पालो परेको छ ।यसगरी पौष  १ गते वडा नं ३ को, २ गते वडा नं ४ को, ३ गते वडा नं ५ को, ४ गते वडा नं ६ को पालो परेको छ।छुटपुट भएका नागरिकहरूको लागि ५ गते वडा नं १ र २ को, ६ गते वडा नं ३ र ४ को,  ७ गते वडा नं ५ र ६ को पालो परेको छ।सबै वडाका छुटपुट नागरिकहरूले पुस ८ गते सम्म मतादाता नामावलीमा नाम दर्ता गर्न सक्ने जनाइएको छ।तोकिएको वडाका बासिन्दाले समयतालिका अनुसार कार्यालय समय १० देखि ४ बजे सम्म गाउँपालिकाको सभाहलमा उपस्थित भइ नाम दर्ता गर्नुपर्ने पालिकाले जनाएको छ।