स्मार्ट वालिङ संवाददाता , भीरकोट ७ पुष २०७८

भीरकोट नगरपालिकाले १२ वर्ष देखि १७ वर्ष उमेर समुहका बालबालिकालाई यहि पुस ८ र ९ गते विद्यालयमै मोडेर्ना खोप लगाइदिने भएको छ।

जन्म मिति २०६१ मंसिरदेखि २०६६ मंसिरसम्म भएका सम्पुर्ण बालबालिकाहरूलाई क‍ोरोना विरुद्धको मोर्डेना खोप लगाउने कार्यक्रम भएकाले सम्पूर्ण लक्षित समुहलाई खोप कार्यक्रममा सहभागी हुन नगर स्वास्थ्य शाखाले अनुरोध गरेको छ।नगर स्वास्थ्य शाखा प्रमुख नारायणबन्धु अर्यालका अनुसार भीरकोट नगरपालिकामा लक्षित समुहका २५०० बालबालिकाहरू रहेका छ्न्। यसका लागि आवश्यक खोपको मात्रा सम्बन्धित वडाको स्वास्थ्य संस्थामा पठाइसकिएको शाखा प्रमुख अर्यालले जानकारी दिनुभयो। थप जानकारीको लागि नगर स्वास्थ्य शाखा वा नजिकको स्वास्थ्य संस्थामा सम्पर्क गर्न नगर स्वास्थ्य शाखाले अनुरोध गरेको छ।