साम संवाददाता, भीरकोट
२६ पुस २०७८

भीरकोट नगरपालिकाले पनि ३०० औं पृथ्वी जयन्ती एवं राष्ट्रिय एकता दिवसको अवसरमा भोलि पुस २७ गते सार्वजनिक बिदा दिने भएको छ। पृथ्वी जयन्ती एवं राष्ट्रिय एकता दिवसको अवसरमा विश्व हिन्दु युवा संघ स्याङ्जाका अध्यक्ष नवराज पौडेलले सार्वजनिक विदाको माग गर्दै हिजो भीरकोट नगरपालिकाका प्रवक्ता दिपेन्द्र के.सी. र प्रमुख प्रशासकीय अधिकृत खुमलाल भुसाललाई संयुक्त रूपमा ज्ञापन पत्र बुझाउनु भएको थियो। नगरपालिकाले आज एक सार्वजनिक सूचना जारी गर्दै नगरपालिकामा पृथ्वी जयन्ती एवं राष्ट्रिय एकता दिवसको अवसरमा सार्वजानिक बिदा दिएको हो। विश्व हिन्दु युवा संघकै माग सम्बोधन गर्दै वालिङ नगरपालिका, चापाकोट नगरपालिका र अर्जुनचौपारी गाउँपालिकाले पृथ्वी जयन्ती एवं राष्ट्रिय एकता दिवसको अवसरमा विदाको सूचना दिइसकेका छ्न्।

नगरपालिकाको आधिकारिक सूचना हेर्नुहोस: