स्मार्ट वालिङ संवाददाता , हरिनास
७ पुस, २०७८
घरेलु तथा साना उद्योग स्याङ्जाको आयोजनामा हरिनास गाउँपालिका वडा नं ७ मा संचालित एक हप्ते अचार बनाउने तालिम सम्पन्न भएको छ।पुस १ गते देखि सुरू भै ७ गते सम्पन्न भएको तालिममा  २० जना गृहणीहरू सहभागी थिए।उहाँहरूलाई प्रशिक्षक चन्द्रकला रानाले तालिम दिनुभएको थियो। सहभागीहरूलाई समापन समारोहका प्रमुख अतिथि एवं हरिनास गाउँपालिकाका अध्यक्ष खिमनारायण मानन्धरले प्रमाणपत्र प्रदान गर्नुभएको थियो। समापन समारोहमा बोल्दै अध्यक्ष मानन्धरले आफूले सिकेको सिपलाई व्यवसायसँग जोडेर स्वरोजगार बन्न आग्रह गर्नुभएको थियो। उहाँले आफ्नै गाउँ ठाउँमा पाइने कच्चा पदार्थको सदुपयोग गरि उद्यमी बन्न र आत्मनिर्भर हुन सहभागीहरूलाई आग्रह गर्नुभएको थियो।कार्यक्रममा घरेलु तथा साना उद्योग स्याङ्जाका अध्यक्ष संघ ताम्राकारको पनि उपस्थित रहेको थियो।
समापन कार्यक्रममा  तालिममा सहभागी गृहणी, हरिनास गाउँपालिकाको प्रमुख प्रशासकीय प्रशुराम पोखरेल, नेपाली कांग्रेस हरिनास सभापति टोपा भुजेल लगायतका पार्टी जनप्रतिनिधि , जनप्रतिनिधि गरि करिब १०० जनाको सहभागिता रहेको थियो।