साम संवाददाता, भीरकोट
११ मङ्सिर २०७८
भीरकोट जेसिजको चौंथो वार्षिक साधारण सभा तथा तेस्रो अधिवेशनबाट वर्ष २०२२ को अध्यक्षमा जेसी कृष्ण पौडेल निर्वाचित हुनुभएको छ।सम्राट सदन, बयरघारीमा आयोजित साधारण सभाबाट सम्पूर्ण पदाधिकारीहरू सर्वसम्मत निर्वाचित भएको निर्वाचन संयोजक अमृत अर्यालले जानकारी दिनुभयो।

वर्तमान अध्यक्ष जेसी प्रशुन मगरको अध्यक्षतामा सम्पन्न भएको अधिवेशनबाट कार्याकारिणी उपाध्यक्षमा जेसी शिव प्रसाद खनाल र जेसी सृजना गौतम निर्वाचित हुनुभएको छ।यसैगरी उपाध्यक्षमा जेसी रिबन कुमार विश्वकर्मा, जेसी रूद्र ढुंगाना, जेसी बिमला रेग्मी श्रेष्ठ र जेसी ज्योती थापा निर्वाचित हुनुभएको छ।

साधारण सभाले वर्ष २०२१ अध्यक्ष जेसी प्रसुन मगर,महासचिव जेसी कृष्ण पौडेल र कोषाध्यक्ष जेसी शिव प्रसाद खनालले प्रस्तुत गरेको प्रतिवेदन सर्वसम्मतिले पारित गरेको छ।