साम संवाददाता, भीरकोट
२६ पुस २०७८

भीरकोट नगरपालिका २ केघा स्थित दिपज्योति प्राथमिक विद्यालयमा न्यायो कपडा वितरण गरिएको छ। विद्यालयमा अध्ययनरत छात्र छात्रालाई नेपाली काङ्रेस भीरकोट नगर समितिका सह सचिव शुशिल खाँणले न्यानो कपडा वितरण गर्नु भएको हो। पुस २५ गते भएको कार्यक्रममा विद्यालय व्यवस्थापन समितिका अध्यक्ष खुम बहादुर गुरूङ, प्रधानाध्यापक रामप्रसाद शर्मा, शिक्षकहरू, साथै भीरकोट २ का तरुण युवाहरुको उपस्थिति रहेको थियो ।

उक्त कार्यक्रममा बोल्दै सहसचिब खाँणले आफ्नो ठाउँको विद्यालयलाई सहयोग गर्न पाउँदा अत्यन्तै खुशी लागेको बताउनुभयो ।व्यवस्थापन समितिका अध्यक्ष र प्रधानाध्यापक द्वयले सह सचिव खाँणको सहयोगको प्रशंसा गर्दै उहाँलाई धन्यवाद ज्ञापन गर्नुभएको थियो।