साम संवाददाता, वालिङ
२० पुस २०७८

विश्व हिन्दु युवा संघ स्याङ्जाले पृथ्वी जयन्तीको अवसरमा सार्वजनिक बिदाको माग गरेको छ।नेपालको एकीकरण गरी नेपालीहरुलाई सामूहिक भावनामा बाध्ने काम पृथ्वीनारायण शाहले गरेको हुँदा उहाँको जन्म जयन्तीको अवसरमा सार्वजानिक बिदाको माग गरिएको हो।युवा संघले एक विज्ञप्ति प्रकाशित गरि बिदाको माग गर्दै पृथ्वीनारायण शाहले गरेका गरेका योगदानको बारेमा चर्चा गर्न समेत आग्रह गरेको छ।

हिन्दु युवा संघले सार्वजनिक बिदाको माग गर्दै आज इलाका प्रशासन कार्यालय वालिङका सूचना अधिकारी सुबास पौडेल समक्ष ज्ञापन पत्र समेत बुझाएको छ। संघका  जिल्ला अध्यक्ष नबराज पौडेल,केन्द्रिय सदस्य डण्ड पानी पंगेनी,युवा समाज सेवी प्रेम गुरुङ लगायतले ज्ञापन पत्र बुझाउनु भएको हो।संघले विगतका वर्षहरुमा पनि पृथ्वी जयन्तीको अवसरमा कार्यक्रम गरेको र यस वर्ष पनि गर्ने कुरा बताएको छ।विश्व हिन्दू युवा संघ स्याङ्जाले विद्यालय तहमा नैतिक शिक्षा लागू गराउन माग राखेको थियो ।सो माग गण्डकी प्रदेश शिक्षा नीतिमा समेत समावेश भइसकेको छ ।यस्तै संघले स्याङ्जाका ११ ओटै पालिकामा संस्कृत पुस्तकालय निर्माण गर्ने अभियानमा लागेको छ र भीरकोट नगरपालिकामा योगी नरहरिनाथ संस्कृत पुस्तकालय लाई निर्माणको अभियान अगाडि बढाउने काम गरी सकेको छ।