स्मार्ट वालिङ संवाददाता , पोखरा ४ पौष २०७८

नेपाल जेसीजकाे पोखरामा सम्पन्न भएको ४८ औं राष्ट्रिय महाधिवेशनमा भीरकाेट जेसीज Outstanding Covid-19 Initiative Program Award Area B र Outstanding Strategy Achievement Award गरि दुई उत्कृष्ट पुरस्कारबाट सम्मानित भएकाे छ ।

जेसी प्रशुन मगरले भीरकोट जेसिजको अध्यक्षको जिम्मेवारी पाएदेखि जेसिजले विशेष चर्चा र सम्मान पाउँदै आएको छ।।भीरकोट जेसिजले “विपदमा हामी” अभियान संचालन गरेर यस वर्षको कोरोना महामारीको समयमा भीरकोट नगरपालिकाका कोभिड संक्रमित बिरामीहरूलाई समयमै नि:शुल्क यातायात सुविधा प्रदान गरी अस्पतालमा जान सहयोग गरेको थियो। “विपदमा हामी अभियान” सफल बनाउन नेपाली काङ्ग्रेस भीरकोटका नगर सभापती एवं वडा नं ५ का वडा अध्यक्ष याम प्रसाद अधिकारी (लक्ष्मण )ले आफ्नो व्यक्तिगत सवारी साधनमा आफैं चालक भएर जनतालाई नि:शुल्क एम्बुलेन्सको सुविधा प्रदान गर्नुभएको थियो।

“विपदमा हामी अभियान” बाट भीरकोटका ५०० भन्दा बढी कोभिड सङ्क्रमित बिरामीहरू लाभान्वित भएको भीरकोट जेसिजका महासचिव कृष्णप्रसाद    पौडेलले जानकारी दिनुभयो। यसै गरि भीरकोट जेसिजले सडक दुर्घटनामा परी शारीरिक रूपमा अशक्त भएका भीरकोट निवासी सबिन श्रेष्ठको सहयोगका निम्ति “सबिन श्रेष्ठ बचाउ अभियान” मा करिब ३ लाख ६५ हजार नगद सहयोग संकलन गरि उहाँलाई सहयोग गरेको थियो।भीरकोट जेसिजले विपदको समयमा समेत आफ्ना कार्यक्रम ,योजना तथा रणनीतिहरूको सफल कार्यान्वयन गरी उत्कृष्ट कार्यसम्पादन गरेकाले सम्मान गरिएको जनाइएको छ।