नारायण प्रसाद कोइराला , भीरकोट पुस १६ 

भीरकोट नगरपालिकामा आ.व. २०७७/७८ को तेस्रो चौमासिक तथा आ.व. २०७८/७९ को पहिलो चौमासिकको सार्वजनिक सुनुवाइ सम्पन्न भएको छ। भीरकोट नगरपालिकाको आयोजना र बागेश्वरी असल शासन क्लबको सहजीकरणमा नगरपालिकाको सभाहलमा सम्पन्न भएको सार्वजनिक सुनुवाइमा गत आर्थिक वर्ष र यो आर्थिक वर्षका पहिलो चौमासिकका आर्थिक, सामाजिक र भौतिक विकासका तथ्यगत उपलब्धिहरूका विषयमा बहस पैरवी गरिएको थियो।

भीरकोट नगरपालिकाले प्रदान गर्ने सेवा सुविधाको गुणस्तर र प्रभावकारीताको विषयमा सेवाग्राहीहरूले गर्नुभएको प्रश्नहरूको जवाफ नगरप्रमुख छायाराम खनाल, उपप्रमुख सिमा के.सी कर्माचार्य, प्रमुख प्रशासकीय अधिकृत खुमलाल भुसाल र वडा अध्यक्षहरूले दिनुभएको थियो। नगरपालिकामा नदीजन्य प्रशोधन केन्द्र स्थापना भएपछि  निर्माण सामाग्री बिक्रीवितरणबाट नगरको आम्दानीमा गत आर्थिक वर्षको तुलनामा उल्लेख वृद्धि भएको सफलतालाई तथ्यांक सहित पुष्टि गरिएको थियो।