४ मङ्सिर २०७८

नेकपा एमाले भीरकोटका नवनिर्वाचित पदाधिकारीहरूको प्रथम नगर बैठक सम्पन्न भएको छ । नेकपा एमाले नगरकमिटि अध्यक्ष विश्वनाथ अर्यालको अध्यक्षतामा बसेको बैठकमा उपस्थित नेताकार्यकर्तालाई नगर कमिटी उपाध्यक्ष मिठु अधिकारिले स्वागत गर्नु भएको थियो । नगर कमिटी बैठकमा मार्गनिर्देशन दिदै नेकपा एमाले जिल्ला कमिटि सदस्य तिल बहादुर गुरुङ ज्वाला, नेकपा एमाले जिल्ला कमिटि सचिवालय सदस्य एवं महाधिवेशन प्रतिनिधि सन्तोष के सि, गण्डकी प्रदेश कमिटी सदस्य द्वय दुर्गादत्त भुषाल र हर्कबहादुर गुरुङले नवनिर्वाचित नगर कमिटीलाई सफलताको शुभकामना व्यक्त गर्नुभएको थियो ।
बैठकको प्रमुख अतिथि नेकपा एमाले जिल्ला कमिटी उपाध्यक्ष उदय श्रेष्ठले नेकपा एमाले स्याङ्जामा विगत भन्दा धेरै बलियो भएको बताउँदै अझ भीरकोट नेकपा एमाले किल्ला बन्दै गएको बताउनुभएको थियो । बैठकमा नगर अधिवेशनबाट निर्वाचित नगर कमिटीका पदाधिकारीहरूलाई प्रमाण पत्र वितरण गरिएको थियो । अधिवेशनमा अध्यक्ष मण्डल निर्वाचन समिति, बहस नोट समिति र स्वयंसेवक प्रमुखलाई प्रशंसा पत्र प्रदान गरिएको थियो । साथै सम्पूर्ण कमिटी सदस्यहरूलाई डायरी वितरण गरिएको थियोे । बैठकले पार्टीको दशौं राष्ट्रिय महाधिवेशन मा ६ वटा बसमा नेता तथा कार्यकर्तालाई चितवन लाने तयारी गरेकोे छ । यसैगरी कमिटिले नववर्षमा आफ्नो पहिलो मुख पत्र समेत प्रकाशन गर्ने निर्णय समेत गरेको छ।बैठकामा प्रदेश कमिटी सदस्य द्वय दुर्गादत्त भुसाल र हर्कबहादुर गुरुङ तथा महाधिवेशन प्रतिनिधि सन्तोष केसिलाई बधाई तथा सम्मान पनि गरिएको थियो ।